ৰাজ্য চৰকাৰে মুক্তিযোদ্ধাসকলক অপমান কৰাৰ গুৰুতৰ অভিযোগ উত্থাপন কৰিছে বিহপুৰীয়া-নাৰায়ণপুৰ মুক্তি যুজাৰু সন্মিলনে ৷ সন্মিলনে আজি হাৰমতী পিচলা উচ্চ মাধ্যমিক বিদ্যালয়ত স্বাধীনতা দিৱস উদ্‌যাপন কৰি ৰাজ্য চৰকাৰৰ ওপৰত ক্ষোভ প্ৰকাশ কৰি কয় যে চৰকাৰে প্ৰতিগৰাকী মুক্তিযুজাৰুক স্বাধীনতা দিৱস উপলক্ষ্যে ঘৰে ঘৰে গৈ প্ৰশাসনৰ লোকে চিলিকনৰ নিম্নমানৰ পতাকা প্ৰদান কৰিছে ৷ এনে স্বাধীনতা সংগ্ৰাম আছে যিসকলে আজিও খাদী বস্ত্ৰ পৰিধান কৰি আহিছে ৷ সেইসকলক চিলিকনৰ পতাকা উপহাৰ স্বৰুপে প্ৰদান কৰি অপমান কৰা বুলি মন্তব্য কৰে জিলা সমিতিখনৰ সম্পাদক প্ৰশান্ত ভূঞাই ৷