રૂ.૧૫કરોડના ખર્ચે નિર્માણ પામેલ ભોલેશ્વર ઓવરબ્રીજ હિંમતનગરના ધારાસભ્યશ્રી વી.ડી. ઝાલાના હસ્તે ખુલ્લો મુકાયો
ओम धगाल - पूर्व प्रदेश कार्यकारिणी सदस्य भाजपा युवा मोर्चा
ओम धगाल की और से हिंडोली विधानसभा क्षेत्र एवं बूंदी जिले वासियों को रौशनी के त्यौहार दीपावली की हार्दिक बधाई व शुभकामनाएं
સાબરકાંઠા જિલ્લાની હિંમતનગરની હાથમતી નદી ઉપર રૂ. ૧૫ કરોડના ખર્ચે નિર્માણ પામેલ ભોલેશ્વર ઓવરબ્રિજને ધારાસભ્ય શ્રી વી.ડી. ઝાલાએ કલેક્ટરશ્રી નૈમેષ દવેની ઉપસ્થિતિમાં ખૂલ્લો મુક્યો હતો.
હિંમતનગરને અડીને આવેલ ભોલેશ્વર ગામને જોડતા હાથમતી નદી ઉપરના ઓવરબ્રીજની કામગીરી છેલ્લા દોઢેક વર્ષથી ચાલી રહી હતી. જિલ્લાના માર્ગ અને મકાન વિભાગ દ્વારા નિર્માણ પામેલ અને નગરપાલિકાને મળેલ મુખ્યમંત્રી જયંતી યોજના અંગેની મળેલ ગ્રાન્ટમાંથી રૂ.૧૫ કરોડના ખર્ચે નિર્માણ પામેલ ઓવરબ્રિજ શ્રાવણ માસના પ્રથમ સોમવારે ખુલ્લો મૂકવામાં આવતાં હિંમતનગર શહેરમાંથી ભોલેશ્વર દાદાના દર્શન માટે જવા આવવામાં ચાર પાંચ કિલોમીટર લાંબા અંતર કાપવામાંથી મુક્તિ મળી રહેતાં શિવભક્તો સહિત સ્થાનિકોમાં આનંદની લાગણી ફેલાઇ છે.
ભોલેશ્વર દાદાના મંદિરના પ્રાંગણમાં યોજાયેલ લોકાર્પણ સમારંભને સંબોધતા ધારાસભ્યશ્રીએ જણાવ્યું કે રૂ. ૧૫ કરોડના ખર્ચે નિર્માણ પામેલ આ ઓવરબ્રિજથી હિંમતનગરના શહેરીજનો શ્રદ્ધાળુઓ સહિત ભોલેશ્વર પરબડાના લોકોને અવર-જવરમાં સુવિધા મળી રહેશે. હિંમતનગરથી આવતા દર્શનાર્થીઓને પુલ ઉપરથી સીધા મંદિર જવા માટે સીડી મુકેલ હોય દર્શન માટે સુવિધા મળી રહેશે. રાજ્યના પવિત્ર યાત્રાધામ વિકાસ બોર્ડ દ્વારા ભોલેશ્વર દાદાના મંદિરના જીર્ણોદ્ધારની કામગીરી ચાલી રહી છે. મંદિર ટ્રસ્ટ દ્વારા મંદિર કેમ્પસમાં વિવિધ પ્રકલ્પોનું પણ નવનિર્માણ થઈ રહ્યું છે. આ કામગીરી સત્વરે પૂર્ણ થતાં ભોલેશ્વર મંદિરનો પ્રવાસન ક્ષેત્રે વિકાસ થઈ શકશે.
આ પ્રસંગે પાલિકા પ્રમુખ વિમલભાઈ ઉપાધ્યાય, અગ્રણી શ્રી કનુભાઈ પટેલ, શ્રી મહેન્દ્રસિંહ રહેવર, વિજયભાઈ પંડ્યા, ઉપપ્રમુખ સવજીભાઈ ભાટી, નગરપાલિકાના સભ્યો સુશ્રી જીનલબેન પટેલ, સુશ્રી જાનકીબેન રાવલ, શ્રી ડીકુલ ગાંધી, ચીફ ઓફિસર શ્રી ઉપેન્દ્ર ગઢવી, ખેતીવાડી ઉત્પન્ન બજાર સમિતિના ચેરમેન જયેશભાઈ પટેલ, નાગરિક બેંકના ચેરમેન હિરેન ગોર સહિત મોટી સંખ્યામાં ભોલેશ્વર, પરબડા, હિંમતનગર શહેરના શિવભક્તો, નગરપાલિકાના અધિકારીઓ, પદાધિકારીઓ શહેરીજનો મોટી સંખ્યામાં ઉપસ્થિત રહ્યા હતા.
