গোৱালপাৰা জিলাৰ লক্ষীপুৰৰ ধুমেৰঘাট আৰক্ষী চকীৰ অধীনস্থ খালিচাভিটাত সংঘটিত হৈছে এক অঘটন।
শৱিবাৰৰ পৰা নিৰুদ্দেশ হৈ থকা দুটি শিশুৰ আজি মৃতদেহ উদ্ধাৰ হোৱাক লৈ অঞ্চল জুৰি চাঞ্চল্যৰ সৃষ্টি হৈছে।
পুখুৰীৰ পানীত পৰি মৃত্যু হোৱা শিশু দুটা খালিচাভিটাৰ চাৰালঝাৰ গাঁৱৰ মনিৰুল হকৰ পুত্ৰ আশ্ৰাফুল হক (৬বছৰ) আৰু অহিবুল হকৰ পুত্ৰ আতিকুল ৰহমান (৬বছৰ) ।
জানিব পৰা মতে কালি আবেলিৰ পৰা নিৰুদ্দেশ হৈ আছিল শিশু দুটি।
আজি পূৱা স্থানীয় লোকে পুখুৰীত উপঙি থকা প্ৰত্যক্ষ কৰে শিশু দুটিৰ মৃতদেহ।
ঘটনাস্থলীত ইতিমধ্যে ধুমেৰঘাট আৰক্ষী উপস্থিত হৈ মৃতদেহ দুটা উদ্ধাৰ কৰি মৰণোত্তৰ পৰীক্ষাৰ বাবে গোৱালপাৰালৈ প্ৰেৰণ কৰে।
