শিৱসাগৰঃ "ব'ল ব'ম" উৎসৱত শান্তি-শৃংখলা অটুত ৰখাৰ বাবে শিৱসাগৰত ১৮৮ আই পি চি আৰু বি এন এস এস ধাৰা জাৰি কৰা হৈছে ৷ পৱিত্ৰ শাওণ মাহ উপলক্ষে ব'ল ব'মৰ ভক্তসকলে ব'ল ব'ম উৎসৱত সৃষ্টি কৰা বিশৃংখল পৰিৱেশ, অসহনীয় উচ্চ প্ৰাৱল্যৰ শব্দ যন্ত্ৰ ব্যৱহাৰ আদিৰ লগতে শিক্ষানুষ্ঠান, চিকিৎসালয়, বিচাৰালয় আদিৰ কামত বাধাৰ সৃষ্টি হোৱা, অপ্ৰয়োজনীয় চিঞঁৰ-বাখৰ আৰু জিলাখনত শান্তি সম্প্ৰীতি অটুত ৰখাৰ স্বাৰ্থত শিৱসাগৰ জিলাৰ জিলা আয়ুক্ত আদিত্য বিক্ৰম যাদৱে এক নিৰ্দেশ যোগে সমগ্ৰ শিৱসাগৰ জিলাত তৎকালে বলৱৎ হোৱাকৈ BNSS Section 163 নিষেধাজ্ঞা অনুসৰি জিলা প্ৰশাসনৰ পূৰ্ব অনুমতি অবিহনে এই উৎসৱৰ সময়ত জিলাখনত ১০ ডেচিবল বা অধিক উচ্চ প্ৰাবল্যৰ শব্দ যন্ত্ৰ ব্যৱহাৰ নিষিদ্ধ কৰা হৈছে ৷ তাৎক্ষণিকভাৱে কাৰ্য্যকৰী হোৱা এই নিৰ্দেশ বʼল বʼম উৎসৱ উদযাপনৰ সময়চোৱাত বলৱৎ থাকিব বুলি জিলা প্ৰশাসনে জানিবলৈ দিছে ৷ উল্লেখযোগ্য যে, পৰিস্থিতিৰ প্ৰয়োজনীয়তা বিবেচনা কৰি এই আদেশ জাৰি কৰা হৈছে ৷ এই আদেশ উলংঘা কৰিলে ১৮৮ নং আই পি চিৰ বিধান আনুসৰি শাস্তিযোগ্য হ'ব ।
