যোৰহাট জিলা উপায়ুক্ত অশোক কুমাৰ বৰ্মনে আজি সৰ্বাইবন্ধা কৃষ্ণনগৰস্থিত গান্ধীবাদী নেতা হৰিজন - বন্ধু কৃষ্ণনাথ শৰ্মা আৰু তেওঁৰ পুত্ৰ মুক্তিযোদ্ধা কালিদাস দেৱ শৰ্মাৰ সমাধি ক্ষেত্ৰত উপস্থিত হৈ বন্তি প্ৰজ্বলন আৰু পুষ্পাঞ্জলি অৰ্পন কৰে৷ উপায়ুক্ত গৰাকীয়ে হৰিজন - বন্ধুজনৰ আত্মীয় স্বজন আৰু স্থানীয় ৰাইজৰ উপস্থিতিত সমাধি ক্ষেত্ৰ দুটাৰ লগতে নেতাগৰাকীৰ পুৰণি ভেটিটো জিলা প্ৰশাসনে সংৰক্ষণৰ ব্যৱস্থা কৰিব বুলি অৱগত কৰে৷ স্থানীয় ৰাইজে উপায়ুক্ত গৰাকীৰ এই পদক্ষেপৰ শলাগ লয়৷