પાવીજેતપુર ખેતીવાડી ઉત્પન્ન બજાર સમિતિના પ્રમુખ તરીકે જીતેન્દ્ર પટેલની બિનહરીફ થયેલી વરણી
પાવીજેતપુર ખેતીવાડી ઉત્પન્ન બજાર સમિતિના પ્રમુખ તરીકે જીતેન્દ્ર પટેલ ( ભલુભાઈ પટેલ ) ની બિન હરીફ વરણી થવા પામી છે.
પાવીજેતપુર ખેતીવાડી ઉત્પન્ન બજાર સમિતિના પ્રમુખનો અઢી વર્ષનો સમય પૂરો થતાં ૨૭ જૂન ના રોજ પાવીજેતપુર ખેતીવાડી ઉત્પન્ન બજાર સમિતિમાં પ્રમુખની ચૂંટણી યોજવામાં આવી હતી. જેમાં જીતેન્દ્રભાઈ ફોગટભાઈ પટેલ ઉર્ફે ભલુભાઈ પટેલે પ્રમુખ તરીકેની ઉમેદવારી નોંધાવી હતી, તેઓ સામે કોઈએ ઉમેદવારી ન નોંધાવતા બિનહરીફ જીતેન્દ્રભાઈ પટેલની પાવીજેતપુર એપીએમસીના પ્રમુખ તરીકેની વરણી થવા પામી છે. ભલુભાઇ ની પ્રમુખ તરીકે બિન હરીફ વરણી થતા લોકોમાં આનંદની લાગણી જોવા મળતી હતી તેમજ તેઓને અભિનંદન પાઠવવા લોકો ખેતીવાડી ઉત્પન્ન બજાર સમિતિમાં દોડી આવ્યા હતા.
