সোণাৰিত স্বাধীনতা দিৱসৰ প্ৰস্তুতি সম্পূৰ্ণ।

দেশৰ অন্যান্য ঠাইৰ লগতে সোণাৰিতো চৰাইদেউ জিলা প্ৰশাসনৰ উদ্যোগত অনুষ্ঠিত হব লগা স্বাধীনতা দিৱস কাৰ্যসূচীৰ প্রস্তুতি সম্পূৰ্ণ হৈছে। এই উপলক্ষে সোণাৰি ৰাজহুৱা খেলপথাৰত ভাৰতৰ ৭৬ সংখ্যক স্বাধীনতা দিৱস উদযাপনৰ বাবে বিশাল আয়োজন কৰা হৈছে। কাৰ্যসূচীৰ অংশ হিচাপে অনুষ্ঠিত হব লগা বিভিন্ন সাংস্কৃতিক কাৰ্যসূচী আৰু আৰক্ষী, এন চি চি আদিৰ দলে পৰিবেশন কৰিব লগা কোচকাৱাজৰ অনুশীলনৰ আজি সামৰণি পৰে। স্বাধীনিতা দিৱসৰ কাৰ্যসূচীত যাতে কোনো ধৰণৰ কোটাঘাটমূলক ঘটনা সংঘটিত নহয় সেয়া নিশ্চত কৰিবৰ বাবে নিৰাপত্তা বাহিনীৰ দল সমূহে স্নিফাৰ ডগ, মেটেল ডিটেক্টৰৰ সহায়ত মূল আয়োজন স্থলীৰ তন্ন তন্ন কৰি তালাচী চলোৱা পৰিলক্ষিত হয়।