દાંતીવાડા પોલીસે ડીસાના વિસ્તારોમાં થયેલી ચોરીના ત્રણ બાઇક સાથે આરોપીઓને ઝડપી ભેદ ઉકેલ્યો છે.

પી.એસ.આઈ પી.એસ ચૌધરી સહિત ટીમ રવિવારે પેટ્રોલિંગમાં હતા. તે દરમિયાન વાઘરોલ ચાર રસ્તા પાસે એક નંબર પ્લેટ વગરનું બાઇક લઈને આવતા ચાલક તથા તેની પાછળ બેઠેલા શખસની પૂછપરછ કરતા તેઓએ તે બાઇક 19 એપ્રિલ 2024 ના રાત્રે ડીસા તાલુકાના રાણપુર ગામેથી ચોરી કર્યું હોવાનું જણાવ્યું હતું.

બંને શખસોને પોલીસ સ્ટેશનમાં લાવી વધુ પૂછપરછ કરતા ભોયણથી પણ બે બાઇક ચોરી કર્યા હોવાનું જણાવ્યું હતું. ચોરીના બાઈક વિષ્ણુજી અનુપજી ઠાકોર કોટડા (રહે.ભાખર) પોતાના ઘરે મૂક્યા હતા. પોલીસે ચોરી કરેલા ત્રણેય બાઇક કબજે કરી આરોપીઓ વિષ્ણુજી ઠાકોરવઅને શ્રવણજી નાગજી ઠાકોર (બંને રહે.કોટડા (ભાખર, તા.પાલનપુર) ની ધરપકડ કરી જેલના સળિયા પાછળ ધકેલી વધુ તપાસ હાથ ધરી છે.