વડગામ તાલુકાના રજોસણના યુવક મહારાષ્ટ્રમાં ટ્રકનું પંકચર પડતાં ટાયર બદલાવી રહ્યા હતા ત્યારે વાહન ચાલકે ટક્કર મારતાં મોત થયું હતું. વડગામ તાલુકાના રજોસણ ગામના સુરેશજી ગમનજી ઠાકોર ટ્રક લઇ મહારાષ્ટ્ર ગયા હતા.
જ્યાં મનોહર નજીક ટાયર પંકચર થતાં નીચે ઉતરી ટાયર બદલાવી રહ્યા હતા. તે દરમિયાન અન્ય વાહન ચાલકે ટક્કર મારી હતી. જેમાં સુરેશજીને ગંભીર ઇજા થતાં મોત થયું હતું. જેમના મૃતદેહને વતનમાં લાવી અંતિમ ક્રિયા કરવામાં આવી હતી.
