પેટલાદ તાલુકાના ભૂરાકોઈ ગામે આવેલી પ્રાથમિક શાળામાં ગુરુવારના રોજ મહિલા દિનની ઉજવણી કરવામાં આવી હતી. શાળાના આચાર્ય દક્ષાબેન વાઘેલા અને આરોગ્યની ટીમ દ્વારા સમગ્ર કાર્યક્રમનું આયોજન કરવામાં આવ્યું હતું. યોજાયેલા કાર્યક્રમમાં 57 જેટલી મહિલાઓ ઉપસ્થિત રહી હતી. આરોગ્ય વિભાગના અનિતાબેન અને રાગીણીબેને ગર્ભાશયના મુખના કેન્સર તથા સ્તન કેન્સર અંગે વિગતવાર માહિતી આપી હતી. શાળાના આચાર્ય અને શિક્ષકોએ સમાજમાં અને કુટુંબમાં મહિલાઓનું માન સન્માન જળવાય તથા મહિલાઓ પોતાની તથા તેમના બાળકોની તંદુરસ્તી જળવાઈ  તે અંગેની વિગતવાર માહિતી આપી હતી.શાળાના  6થી 8ના બાળકોએ  મહિલા ડે નિમિત્તે કાર્ડ બનાવ્યા હતા.અને મહિલાઓને આપી શુભેચ્છાઓ પાઠવી હતી.