শিৱসাগৰঃ ৪ মাৰ্চৰ পৰা ৯ মাৰ্চলৈ ছয়দিনীয়াকৈ শিৱসাগৰ দ’ল উন্নয়ন পৰিষদৰ উদ্যোগত আৰু ৰাইজৰ সহযোগত শিৱসাগৰৰ ঐতিহাসিক শিৱদৌল প্ৰাংগণত অনুষ্ঠিত হৈছে শ্ৰীশ্ৰী মহাশিৱৰাত্ৰি পূজা আৰু মেলা-২০২৪ ৷ সন্ধ্যা শ্ৰীশ্ৰী মহাশিৱৰাত্ৰি মেলাৰ শুভ উদ্বোধন কৰে কেন্দ্ৰীয় ৰাজ্য মন্ত্ৰী ৰামেশ্বৰ তেলীয়ে ৷ উদ্বোধনী অনুষ্ঠানত জিলা আয়ুক্ত তথা দ’ল উন্নয়ন পৰিষদৰ সভাপতি আদিত্য বিক্ৰম যাদৱ, বুৰঞ্জীবিদ দয়ানন্দ বৰগোহাঁই, অতিৰিক্ত আয়ুক্ত গিতালী দুৱৰাকে আদি কৰি কেইবাগৰাকীও বিশিষ্ট ব্যক্তি উপস্থিত থাকে ৷ তাৰ পাছতেই "নৃসিংহ অৱতাৰ" ভাওনা প্ৰদৰ্শন কৰা হয় ৷
