শিৱসাগৰত Meradoc ডেণ্টেল ক্লিনিক মুকলি কৰে জনপ্ৰিয় অভিনেত্ৰী প্ৰিয়ম পল্লৱীয়ে ৷ ঐতিহাসিক শিৱসাগৰত আন এক দন্ত চিকিৎসা প্ৰতিষ্ঠান Meradoc ৰ শিৱসাগৰ শাখাটি মুকলি কৰা হয়। শিৱসাগৰ নগৰৰ কে পি এম চাৰিআলিৰ পুণ্যলতা ভৱন প্ৰাংগণত এই প্ৰতিষ্ঠানতো ফিটা কাটি উদ্বোধন কৰে চুপাৰহিট ছবি "শ্ৰী ৰঘুপতি"ত দূৰ্দান্ত অভিনয় কৰি ৰাইজৰ প্ৰশংসা বুটলিবলৈ সক্ষম হোৱা মোহময়ী অভিনেত্ৰী প্ৰিয়ম পল্লৱীয়ে। উল্লেখ যে, Meradoc Dental Clinic ত মূলতঃ Implant, Surgical Extraction, Ortho treatment, Veneering কে ধৰি অত্যাধুনিক সেৱাৰে সকলোখিনি চিকিৎসা উপলব্ধ হ'ব বুলি প্ৰতিষ্ঠানটিৰ কৰ্মকৰ্তাসকলে জানিবলৈ দিছে ৷ দন্ত ক্লিনিকত চিকিৎসক হিচাপে ডাঃ ৰজত আগৰৱালা, ডাঃ ভাইলেত মনালিছা দিহিঙীয়া আৰু স্থায়ী চিকিৎসক হিচাপে ডাঃ অভিজিত বৰুৱাই সেৱা আগবঢ়াব । সমগ্ৰ ৰাজ্যতে Meradoc নামৰ প্ৰতিষ্ঠানটোৰ ইতিমধ্যে আঠটাকৈ শাখা উপলব্ধ হৈ আছে । আনহাতে কম সময়ৰ ভিতৰতে উজনি অসমৰ ডিব্ৰুগড় জিলাৰ মৰাণ আৰু যোৰহাট জিলাটো প্ৰতিষ্ঠানতোৰ শাখা মুকলি কৰা হ'ব বুলি জানিব পৰা গৈছে ৷ বিগত আঠ বছৰ ধৰি Meradoc এ ৰাজ্যবাসীলৈ সেৱা আগবঢ়াই আহিছে ৷