ડીસા-પાટણ હાઈવે પર આજે હિટ એન્ડ રનની ઘટના સર્જાઇ છે. જેમાં રીક્ષા લઈને જઈ રહેલ સોલંકી પરિવારને અજાણ્યા બોલેરો ચાલકે અડફેટે લેતા અકસ્માત થયો હતો. જેમાં રિક્ષામાં પાછળ બેઠેલ એક વ્યક્તિનું મોત નીપજ્યું હતું.
पटौदी इंटरप्राइजेज एवं अलगोजा रिसोर्ट - बूंदी
पटौदी इंटरप्राइजेज एवं अलगोजा रिसोर्ट कीऔर से बूंदी वासियों को दीपावली की हार्दिक बधाई व शुभकामनाएं
ડીસા-પાટણ હાઈવે પર આજે આસેડા પાસે હિટ એન્ડ રનની ઘટના બની હતી. જુનાડીસા પાસે વીડી ગામના દલપતસિંહ કનુજી સોલંકી તેમના પરિવારના સભ્યો સહિત ત્રણ લોકો રીક્ષા લઈને જઈ રહ્યા હતા અને આસેડા ગામ પાસેથી પસાર થઈ રહ્યા હતા. તે સમયે પાછળથી પુરપાટઝડપે આવી રહેલ અજાણ્યા બોલેરો ચાલકે રિક્ષાને અડફેટે લેતા અકસ્માત સર્જાયો હતો. આ અકસ્માતમાં રીક્ષા ફંગોળાઈને રોડની સાઈડમાં પડતા તેમાં બેઠેલ નિકુલજી અશોકજી સોલંકીને ગંભીર ઈજા પહોંચતા તેમનું કરુણ મોત થયું હતું.
જ્યારે રિક્ષાચાલક દલપતસિંહ સોલંકી અને મીનકાબેન મહેશજી સોલંકીને ગંભીર ઈજા પહોંચતા તેમને 108 એમ્બ્યુલન્સ વાન મારફતે સારવાર અર્થે ડીસાની સરકારી હોસ્પિટલમાં ખસેડાયા હતા. બનાવને પગલે ડીસા તાલુકા પોલીસ સ્થળ પર પહોંચી હતી અને લાશને પીએમ અર્થે ખસેડી હતી. જ્યારે અકસ્માત કરી ફરાર થઈ ગયેલ સફેદ કલરની બોલેરો ચાલક સામે ગુનો નોંધી આગળની કાર્યવાહી હાથ ધરી છે.
