ડીસામાં દિન દહાડે ચિલ ઝડપની ઘટના બની છે. મહિલાના ગળામાંથી બે તુલાના સોનાના દોરાની ચેન લુંટી અજાણ્યા બાઈક સવાર બે શખસો ફરાર થઈ જતા ડીસા શહેર ઉત્તર પોલીસે વધુ તપાસ હાથ ધરી છે.
पटौदी इंटरप्राइजेज एवं अलगोजा रिसोर्ट - बूंदी
पटौदी इंटरप्राइजेज एवं अलगोजा रिसोर्ट कीऔर से बूंदी वासियों को दीपावली की हार्दिक बधाई व शुभकामनाएं
ડીસાના શિવનગર વિસ્તારમાં રહેતા 70 વર્ષીય સવિતાબેન હરિપુરી ગૌસ્વામી રોડ પરથી પસાર થઈ રહ્યા હતા. તે સમયે અજાણ્યા બાઈક સવાર બે શખ્સો પૂરપાટ ઝડપે આવી તેમના ગળામાંથી બે તોલાના સોનાના દોરાની લુંટ કરી ફરાર થઈ ગયા હતા. અચાનક ગળામાંથી દોરો ખેંચતા જ વૃદ્ધ મહિલા રોડ પર પછડાઇ હતી. તેમજ હાથ અને પગના ભાગે ઈજા પહોંચી હતી.
અચાનક બનાવથી હતપ્રત બની ગયેલી વૃદ્ધ મહિલાએ બૂમાબૂમ કરતા આજુબાજુના લોકો દોડી આવ્યા હતા. જોકે ત્યાં સુધીમાં બાઈક સવાર બંને શખ્સો ત્યાંથી ફરાર થઈ ગયા હતા. આ બનાવને પગલે મહિલાના પરિવારજનો પણ તરત જ ઘટના સ્થળે પહોંચ્યા હતા.
તેમજ આજુબાજુમાં તપાસ કરતા ચીલ ઝડપ કરનાર બંને શખ્સો સીસીટીવી કેમેરામાં પણ સ્પષ્ટ દેખાયા હતા. જેથી વૃદ્ધ મહિલાને લઇ તેના પરિવારજનો ડીસા શહેર ઉત્તર પોલીસ મથકે પહોંચ્યા હતા. બનાવની હકીકત જાણી શહેર ઉત્તર પોલીસે વધુ તપાસ હાથ ધરી છે.
