પોલીસને મળેલી બાતમી અનુસાર વણકી ગામનો રાજાભાઈ બચુભાઈ ઇંદરીયા વાડીમાં દેશી દારૂ ગાળવાની ભઠ્ઠી ચલાવી દારૂ ગાળે છે. પોલીસે રેડ કરતા વાડીમાં કામ કરતા રાજાભાઈ ઇંદરીયાને ઝડપી લઇ તેની પૂછપરછ કરતા પીપરના ઝાડની આડમાં એક ચાલુ દેશી દારૂ ગાળવાની ભઠ્ઠી જોવામાં આવી હતી. તે ભઠ્ઠી ઉપર દેશી દારૂ ગાળવાનું ડબલ બેરલનું બાફણીયું (ટીપણ) હતુ. બાફણીયા પેરલની નીચે ચુલમાં જોતાં લાકડાથી બળતું કરેલુ ધ્યાને આવ્યુ હતુ.બાફણીયા બેરલમાંનો રૂ. 400ની કિંમતનો ગરમ આથો લીટર 200 ગરમ આથાને બાફણીયા સહિત સ્થળ ઉપર ઢોળી દેવામાં આવ્યો. પોલીસે વધુ તપાસમાં રૂ. 500ની કિંમતનો કેરબાઓમાં દેશી દારૂ લીટર 250 તેમજ રૂ. 200ની કિંમતનો ગરમ આથો 200 લીટર અને રૂ.1000ની કિંમતનો 500 લીટર ઠંડો આથો, રૂ. 1000ની કિંમતનો 50 લીટર ગરમ દેશી દારૂ સહિત કુલ રૂ.7400નો મુદ્દામાલ ઝડપી લીધો હતો. અને ઝડપાયેલા રાજાભાઈની વધુ પૂછપરછ માટે સાયલા પોલીસ સ્ટેશન લઈ જવાયા હતા.