પાવીજેતપુર તાલુકાના મોરા ડુંગરી પાસે પોલીસને નિહાળી ૪૩,૫૬૦/- નો વિદેશી દારૂ તથા કાર છોડી ખેપીઓ ફરાર
પાવીજેતપુર તાલુકાના મોરા ડુંગરી ગામે બાતમી આધારે વોચમાં ઊભેલી કરાલી પોલીસને નિહાળી અંધારાનો લાભ લઇ ૪૩,૫૬૦/- નો વિદેશી દારૂ તથા ૫ લાખ ની કાર છોડી ખેપિયો ફરાર થઈ ગયો હતો.
પાવીજેતપુર તાલુકાની કરાલી પોલીસ રાત્રી પેટ્રોલિંગમાં હતા તે દરમિયાન બાતમિદાર થી ચોક્કસ બાતમી હકીકત મળેલી કે ખાંટિયાવાંટ - ચલામલી રોડ ઉપર થઈ એક સ્વિફ્ટ કારમાં ભારતીય બનાવટનો વિદેશી દારૂ ભરીને ચલામણી તરફ જનાર છે. જે બાતમી આધારે કરાલી પોલીસે મોરારડુંગરી ગામના બસ સ્ટેન્ડ ઉપર વોચ ગોઠવી હતી. બાતમી હકીકત વાળી ફોરવીલ દેખાતા પોલીસે બેટરીનું અજવાળું બતાવી ઉભી રાખવા ઈશારો કરતા કાર ચાલક પોલીસને ઓળખી જતા રોડની સાઈડમાં પોતાની કાર ઉતારી ખેતરોવાળા રસ્તે સીમમાં ભાગી ગયો હતો. પોલીસે પીછો કરવા છતાં ખેપીઓ ભાગવામાં સફળ થયો હતો. કારની તલાશ કરતા તેમાંથી પૂઠ્ઠા ના બોક્સ તેમજ છુટ્ટી બિયરની બોટલો કુલ ૨૬૪ નંગ મળી હતી જેની કિંમત ૪૩,૫૬૦/- તથા કારની કિંમત ૫ લાખ મળી કુલ ૫,૪૩,૫૬૦/- નો મુદ્દા માલ કબજે કરી કરાલી પોલીસે ગુનો નોંધી કાયદેસરની કાર્યવાહી હાથ ધરી છે.
