ડીસા તાલુકાના મુડેઠા ગામની સીમમાંથી રોડને અડીને આવેલા ખેતરના ઝાંપા પાસેથી સોમવારે યુવકની બિનવારસી લાશ મળી આવી હતી. યુવકના મોંઢાનો આગળનો ભાગ ચુંથાઇ ગયેલ હોઇ લાશ ઓળખવામાં મુશ્કેલી પડી હતી. આ ઘટનાને લઇ લોકોના ટોળેટોળા ઉમટી પડ્યા હતા.

મુડેઠા ગામની સીમમાં રોડ પર અડીને આવેલ ખેતરના ઝાંપા પાસે અવાવરું જગ્યા પાસેથી સોમવારે યુવકની બિનવારસી લાશ મળી આવી હતી. મૃતક યુવકની ઉંમર આશરે 35 થી 40 જાણવા મળી હતી. ઘટના સ્થળે લોકો ઉમટી પડ્યા હતા.

યુવકના મોંઢાનો આગળનો ભાગ ચૂંથાઈ ગયેલો હોઇ લાશ ઓળખવામાં મુશ્કેલી પડી હતી. જોકે, ભીલડી પોલીસ ઘટનાસ્થળે પહોંચીને લાશનો કબજો લઈને હત્યા કે આત્મહત્યાની તપાસના ચક્રો ગતિમાન કર્યા છે.