ધ્રાંગધ્રા તાલુકા પોલીસ અને સીટી પોલીસની હદમાં જુદા જુદા 33 જેટલાં નાના મોટા પ્રોહીબીશનના ગુનામાં પકડાયેલ વિદેશી દારૂના મોટા જથ્થાનો નાશ કરવામાં આવ્યો હતો. જેમાં ધ્રાંગધ્રા નાયબ પોલીસ અધિક્ષકની કોર્ટ મંજૂરી મેળવ્યા બાદ ધ્રાંગધ્રા બાલા હનુમાન પાસે સરકારી ખરાબામા વિદેશી દારૂની નાની મોટી બોટલો મળી 11,600 નંગ અને બિયર નંગ 812 ઉપર ડીવાયએસપી જે ડી પુરોહિત, પી આઈ જે એસ ઝાંબરે અને તાલુકા પીઆઈ આર જે જાડેજાની આગેવાનીમાં બુલડોઝર ફેરવવામાં આવ્યું હતું. એક તકે ધ્રાંગધ્રા સીટી અને તાલુકના કુલ 33 જેટલાં પ્રોહિબિશનના ગુનામાં સીટી પોલીસના 12 ગુનામાં વિદેશી દારૂની બોટલ નંગ 947 હતી. તેમાં ધ્રાંગધ્રા તાલુકા પોલીસના 21 ગુનામાં વિદેશી દારૂની બોટલ 10,653 નંગ અને બિયર ટીન નંગ 812 હતા.