સુરેન્દ્રનગર જિલ્લામાં ગેરકાયદે હથિયારો રાખનાર સામે કડક પગલા લઇ તેમને ઝડપી પાડવાની જિલ્લા પોલીસ વડાએ સૂચના આપી હતી. આથી એસઓજી ટીમે પટ્રોલીંગ અને ચેકીંગ વધારીને આવા હથિયારોનું ખરીદ વેચાણ કરતા તેમજ ઘરમાં ગેરકાયદે હથિયાર રાખતા શખ્સોને પકડી પાડવા અભિયાન હાથ ધર્યુ હતુ. જેમાં પીએસઆઇ એસ.એમ.જાડેજા સહિતના પોલીસ સ્ટાફે અગાઉથી મળેલી બાતમીના આધારે ચોટીલા તાલુકાના પીયાવા ગામેથી ગેરકાયદેસર પાસ પરમીટ વગર સીંગલ બેરલની લાકડાના હાથાવાળી હાથ બનાવટની બંદૂક સાથે સાજીદભાઇ ઉમરભાઇ મલેકને ઝબ્બે કરી કાર્યવાહી હાથ ધરી છે.