स.भु.प्रशालेची संपूर्ण बालानगरला प्रदक्षिणा घालत ३ कि.मी. अंतराची रॅली.

बालानगर -हर घर तिरंगा हे अभियान यशस्वी करण्यासाठी बालानगरच्या स. भु. प्रशालेतर्फे आज संपूर्ण बालानगरला प्रदक्षिणा घालत ३ कि. मी. अंतराची रॅली काढण्यात आली.मुख्याध्यापक शिरीष मोरे यांनी मशाल पेटवून आजच्या रॅलीची सुरवात केली. स्वातंत्र्य संग्रामातील विविध नेते, सेनानी तसेच समाज सुधारक, भारतमाता यांच्या वेशभूषा करून आलेल्या विद्यार्थ्यांनी सर्वांचे लक्ष वेधले. विद्यार्थीनींनी आज केशरी, पांढरया व हिरव्या रंगाच्या साड्या परिधान केल्यामुळे संपूर्ण रॅलीलाच तिरंग्याचे स्वरुप प्राप्त झाले होते. विद्यार्थ्यांनी जोरदार घोषणाबाजी करून आसमंत दणाणून सोडले. आजची हि दुसरी जनजागृती रॅली यशस्वी करण्यासाठी मुख्याध्यापक शिरीष मोरे, पर्यवेक्षक राजेंद्र गायकवाड, क्रिडाशिक्षक राहूल शिंदे तसेच सर्व शिक्षक व शिक्षकेतर कर्मचारी यांनी योगदान दिले.