હિંમતનગર તાલુકાના આકોદરા ગ્રામ પંચાયતમાંથી દસ દિવસ અગાઉ અજાણ્યા શખ્સો અંદાજે રૂા. ૯ હજારની મત્તાની ચોરી કરી લઈ ગયાની ફરીયાદ બુધવારે હિંમતનગર એ.ડીવીઝન પોલીસ સ્ટેશનમાં નોધાઈ છે.ચિંતન દુર્ગેશભાઈ પટેલે નોંધાવેલી ફરીયાદમાં જણાવ્યા મુજબ ગત તા. ર૬ સપ્ટેમ્બરની રાત્રે અજાણ્યા શખ્સોએ આકોદરા ગ્રામપંચાયતના દરવાજાનું તાળુ તોડી અંદર પ્રવેશ કર્યો હતો. ત્યારબાદ તેમણે પંચાયતની ઓફીસના ટેબલ પર રખાયેલ રૂા. ૮ હજારનું જૂનુ કોમ્પ્યુટર તથા સીપીયુ અને બાજુના ટેબલ પરથી ઈ-રીક્ષાના રૂા.૧ હજારના પાના પકડ મળી અંદાજે રૂા. ૯ હજારની મત્તાની ચોરી કરી લઈ જતાં ચિંતન પટેલે બુધવારે હિંમતનગર એ.ડીવીઝન પોલીસ સ્ટેશનમાં ફરીયાદ નોંધાવી હતી.