બજાણા પોલીસ પેટ્રોલિંગમાં હતી, જે દરમિયાન છાબલી રેલવે ફાટક પાસેથી એક કારમાં ગેરકાયદેસર વસ્તુ લઈ પસાર થઈ હોવાની બાતમી પોલીસને મળી હતી. જેના આધારે પોલીસ છાબલી ફાટક વાળા રસ્તા પર પહોંચી ત્યારે બાતમીવાળી કારનો ચાલક પોલીસને જોઈને ભાગવા લાગ્યો હતો. ત્યારબાદ અંધારાનો લાભ લઈને ગાયબ થઈ ગયો હતો.આ અંગે પોલીસે મજેઠી ગામ જતાં રસ્તા ઉપર તપાસ કરતા હાઈવે પર શંકાસ્પદ હાલતમા ઉભી રહેલી એક બોલેરો પીકઅપ વાહન મળી આવ્યું હતું. જેની તલાસી લેતા તેમાંથી ઈંગ્લીશ દારૂની નાની-મોટી બોટલો અને બિયરના ટીન મળી કુલ નંગ-432 મળી આવ્યા હતા. જેથી પોલીસે રૂા.1,00,680ની કિંમતનો દારૂનો જથ્થો તથા બોલેરો કાર મળી કુલ રૂા.4,00,680નો મુદ્દમાલ કબ્જે કર્યો હતો. જ્યારે કારચાલક હાજર મળી ન આવતા બજાણા પોલીસ મથકે ગુનો નોંધી વધુ તપાસ હાથ ધરી છે.