માટી મારો દેશ" અંતર્ગત અમૃત કળશ યાત્રા વી.જે.મદ્રેસા ગર્લ્સ સ્કુલ ખાતે પહોંચતા તેનું સ્વાગત કરવામાં આવ્યુ હતું.

આઝાદીના અમૃત મહોત્સવ અંતર્ગત સમગ્ર દેશમાં હર્ષોલ્લાસ સાથે 'મારી માટી મારો દેશ' કાર્યક્રમ યોજાયો હતો. રાષ્ટ્રભક્તિના આ પર્વમાં દેશના ગામેગામથી એકઠી કરવામાં આવેલી માટીને દિલ્હી ખાતે લઈ જવામાં આવી હતી. આ કડીના ભાગરૂપે કાર્યક્રમના બીજા ચરણમાં 'અમૃત કળશ' યાત્રાનું આયોજન કરવામાં આવ્યું છે જે અંતર્ગત કળશમાં માટી લઈને, આ યાત્રા દેશની રાજધાની દિલ્હી પહોંચશે. આ યાત્રામાં દેશના જુદા જુદા ભાગોમાંથી રોપાઓ પણ સાથે પહોંચશે 7500 કળશમાં આવેલા માટી અને છોડમાંથી નેશનલ વોર મેમોરિયલ પાસે અમૃત વાટિકા બનાવવામાં આવનાર છે. ત્યારે આ યાત્રા પોરબંદર ના મેમનવાળા વિસ્તાર, વોર્ડ ન. 6 માં પહોંચતા વી.જે.મદ્રેસા ગર્લ્સ સ્કૂલ ખાતે તેનું સ્વાગત કરવામાં આવ્યું હતું. જિલ્લા વહીવટી તંત્ર પોરબંદર અને પોરબંદર છાયા નગરપાલિકા દ્વારા આ અમૃત કળશયાત્રાનું આયોજન કરવામાં આવ્યું છે, આ યાત્રા વી.જે.મદ્રેસા ગર્લ્સ સ્કૂલ ખાતે પહોંચી ત્યારે પોરબંદર-છાયા પાલિકા પ્રમુખ ચેતનાબેન તિવારી અને અધિકારીઓ ખાસ ઉપસ્થિત હતા અને ગર્લ્સ સ્કૂલની વિદ્યાર્થીનીઓ અને સ્ટાફ દ્વારા પાલિકા પ્રમુખ ચેતનાબેન તિવારી અને યાત્રાનું સ્વાગત કરવામાં આવ્યું હતું. આ કાર્યક્રમમાં વી.જે. મદ્રેસાના પ્રિન્સિપાલ ઇસ્માઇલ મુલતાની, ગર્લ્સ સ્કૂલના પ્રિન્સિપાલ દ્વારા સ્વાગત કરવામાં આવ્યું હતું.