ડીસાના ભોપાનગર વિસ્તારમાં રહેતા એક પરિવારનો 14 વર્ષનો દીકરો વહેલી સવારે ઘરેથી ભણવા માટે જવાનું કહીને નીકળ્યો હતો જો કે બાદમાં તે પરત ન આવતા તેના પરિવારજનો એ ભારે શોધખોળ કરી હોવા છતાં પણ કોઈ ભાળના મળતા આખરે આ બાળકના પિતાએ દક્ષિણ પોલીસ મથકે ફરિયાદ નોંધાવતા પોલીસે આ બાળકનું અપહરણ કરનાર અજાણ્યા શખ્સ સામે ગુનો નોંધ્યો છે

ડીસા શહેરના ભોપાનગર વિસ્તારમાં રહેતા અને મજૂરી કામ કરીને પરિવારનું ગુજરાન ચલાવતા નટવરભાઈ ધર્માભાઈ ધર્માણી તેઓ ગત રોજ પોતાના ઘરે ઉપરના રૂમમાં સુઈ ગયા હતા અને તેમના બે દીકરા અને એક દીકરી નીચે સુતા હતા બીજા દિવસે સવારે ધર્માભાઈ જાગ્યા ત્યારે એક દીકરો અને એક દીકરી હતી જેથી તેમને પોતાની દીકરીને તેના ભાઈ યોગેશ અંગે પૂછતા તેની બહેને જણાવ્યું હતું કે તે વહેલી સવારે ભણવા માટે જવાનું કહીને ઘરેથી નીકળ્યો છે જોકે બપોર સુધી આ બાળક ઘરે ના આવતા તેના પિતાએ સંત અન્ના સ્કૂલમાં તપાસ કરતા શાળામાં પણ આ બાળક આવ્યો ન હોવાનું જાણવા મળતા નટવરભાઈએ પોતાના 14 વર્ષના બાળક યોગેશ ધર્માણીની શોધખોળ કરી હતી તેમ છતાં પણ તેની કોઈ જ ભાળ ન મળતા આખરે તેમણે આ મામલે ડીસા દક્ષિણ પોલીસ મથકે ફરિયાદ નોંધાવતા પોલીસે 14 વર્ષના બાળકનું અપહરણ કરનાર અજાણ્યા શખ્સ સામે ગુનો નોંધીને તપાસ શરૂ કરી છે