શહેરમાં સીટી એ ડિવિઝન પોલીસ ટીમે પેટ્રોલીંગ કાર્યવાહી હાથ ધરી હતી. જેમાં બાતમીને આધારે પતરાવાળી હોટલ પાસે તપાસ કરતાં એક શખ્સ કાગળમાં બોલપેનથી લખતો હતો. આપી ઝડપી પાડી પુછ પરછ કરતા પોતે સુરેન્દ્રનગર કડીયા સોસાયટીના રહીશ સહદેવસિંહ જીતેન્દ્રસિંહ ઝાલા હોવાનુ જણાવ્યુ હતુ. તપાસમાં વર્લી મટકાનું સાહિત્ય મળી આવ્યુ હતુ.પુછપરછમાં પોતે કડીયા સોસાયટી સુરેન્દ્રનગરના બલભદ્રસિંહ જીતેન્દ્રસિંહ ઝાલાને આંકડાની કપાત આપતા હોવાનુ ખુલ્યુ હતુ. આથી રૂ.10,900નો મુદામાલ જપ્ત કરી બંન્ને સામે સીટી એડિવિઝન પોલીસ મથકે જુગાર અંગે ગુનો નોંધાવાયો હતો.