હાલોલ રૂરલ પોલીસ મથકના પોલીસ ઇન્સ્પેક્ટર આર.એ. જાડેજાને અંગત બાતમીદાર પાસેથી બાતમી મળી હતી કે હાલોલ તાલુકાના દડીયાપુરા ગામે સ્ટ્રીટ લાઇટના અજવાળે ખુલ્લી જગ્યામાં બેસીને કેટલાક લોકો પત્તા પાનાનો પૈસા વડે હાર જીતનો જુગાર રમે છે જે બાતમીના આધારે રૂરલ પોલીસની ટીમે દડીયાપુરા ગામે ચાલતા જુગારધામ પર છાપો મારતા ખુલ્લી જગ્યામાં બેસી જુગાર રમતા ખેલીઓઓમાં નાસભાગ મચી ગઈ હતી જેમાં પોલીસે સ્થળને કોર્ડન કરી 6 ખેલીઓ
(1) હર્ષદભાઈ વિક્રમભાઈ પરમાર (2) મનોજકુમાર કાનજીભાઈ પરમાર (3) મુકેશભાઈ રમેશભાઈ પરમાર (4) અક્ષયકુમાર રમેશભાઈ પરમાર (5) રણજીતભાઈ વિક્રમસિંહ પરમાર(6) અજયકુમાર પ્રભાતભાઈ પરમારને રંગે હાથે ઝડપી પાડી તેઓની અંગ ઝડતી કરી 2700/- રૂપિયાની રોકડ રકમ તેમજ દાવ પર લાગેલા 1140/- રૂપિયાની રોકડ રકમ મળી કુલ 3840/- રૂપિયાનો મુદ્દામાલ જપ્ત કરી ઝડપાયેલા તમામ 6 ઈસમો સામે રૂરલ પોલીસ મથકે જુગાર ધારા એકટ હેઠળ ગુનો નોંધ્યો હતો.
