ছিপাঝাৰ ৰাজহ চক্ৰ বিষয়া কাৰ্যালয়ৰ লাট মণ্ডলৰ ব্যাপক জালিয়াতি ৷লাট মণ্ডল গৰাকীয়ে বয়স জালিয়তিৰে চাকৰি কৰি অহাৰ গুৰুতৰ অভিযোগ তুলিছে আৰ টি আই কৰ্মীয়ে ৷তথ্য জনাৰ অধিকাৰ আইনৰ জৰিয়তে পোহৰলৈ আহিল বয়স জালিয়াতিৰ তথ্য ৷এই সন্দৰ্ভত ছিপাঝাৰ আৰক্ষী থানাত এজাহাৰ দাখিল কৰাৰ পিচতো দীৰ্ঘদিনে ছিপাঝাৰ আৰক্ষীয়ে ব্যৱস্থা গ্ৰহন নকৰাৰ অভিযোগ গোচৰীয়াৰ ৷ছিপাঝাৰ ৰাজহ চক্ৰৰ লাট মণ্ডল শংকৰ শৰ্মাই বয়সৰ জালিয়াতিৰে চাকৰি কৰি অহাৰ গুৰুতৰ অভিযোগ উত্থাপন কৰিছে এগৰাকী আৰ টি আই কৰ্মীয়ে ৷অভিযোগ মতে তথ্য জনাৰ অধিকাৰ আইনৰ অধীনত দাখিল কৰা আবেদনৰ উত্তৰত প্ৰাপ্ত তথ্য অনুসৰি হাইস্কুল শীক্ষান্ত পৰীক্ষাৰ এডমিট কাৰ্ডত লাট মণ্ডল শৰ্মাৰ জন্ম ১৯৬৬ চনৰ ১ জানুৱাৰীত বুলি উল্লেখ থকাৰ বিপৰীতে স্বাস্থ্য বিভাগৰ প্ৰমাণ পত্ৰত তেওঁ ১৯৬৯ চনৰ ১ জানুৱাৰী বুলিহে উল্লেখ আছে ৷একেদৰে ছেবা আৰু মণ্ডল প্ৰশিক্ষনৰ নথিতো মণ্ডল গৰাকীৰ বয়সৰ বিসংগতি থকা বুলি আৰ টি আই কৰ্মী জনে অভিযোগ উত্থাপন কৰে ৷লাট মণ্ডল গৰাকীৰ এই বয়স জালিয়াতিৰ সন্দৰ্ভত যোৱা ২৯ জানুৱাৰীত ছিপাঝাৰ আৰক্ষী থানাত এক এজাহাৰ দাখিল কৰিছিল ৷উক্ত এজাহাৰৰ ভিত্তিত আৰক্ষীয়ে ভাৰতীয় দণ্ড বিধি আইনৰ ৪২০/৪০৬/৪৬৮/১২০ বি/৩৪ ধাৰাৰ অধীনত ৪৮/২০২২ নম্বৰত এক গোচৰ ৰুজু কৰে যদিও লাট মণ্ডল গৰাকীৰ বিৰুদ্ধে বিগত দিনত কোনো ব্যৱস্থা গ্ৰহন নকৰাৰ অভিযোগ তুলিছে গোচৰীয়া আৰ টি আই কৰ্মী গৰাকীয়ে ৷ইপিনে লাট মণ্ডল শংকৰ শৰ্মাই ঘোচ নাপালে ৰাইজৰ কাম নকৰে বুলিও অভিযোগ তোলে আৰ টি কৰ্মী গৰাকীয়ে ৷ দুৰ্নিতী বিৰোধী হিমন্ত বিশ্ব শৰ্মাৰ চৰকাৰে এই গৰাকী কৰ্মচাৰীৰ জালিয়াতি সন্দৰ্ভত কি ব্যৱস্থা গ্ৰহন কৰে সেয়া হব লক্ষনীয় ৷