બનાસકાંઠા જીલ્લાની આર્થીક નગરી ડીસા શહેર બે નંબર અને ડુપ્લિકેટના કળાધંધાનુ હબ બની ગયુ હોય તેવા દ્રશ્યો નઝર સમક્ષ આવી રહ્યાં છે જ્યારે છેલ્લા ઘણા સમયથી નકલી તેલનું વેચાણ વધી ગયું હોવાનું માહિતી મળતાં જ એન.કે. પ્રોટીન્સ કંપનીના કર્મચારીઓએ ખાનગી રાહે તપાસ શરૂ કરી હતી. જેમાં ડીસાના રિસાલા બજાર અને ગાંધીચોક વિસ્તારની કેટલીક દુકાનોમાં વેપારીઓ નકલી તેલના ડબ્બા વેચતા હોવાની ચોક્કસ માહિતીના આધારે એન.કે. પ્રોટીન્સ કંપનીના કર્મચારી ભૂષણભાઈ દાણીએ આ અંગે જિલ્લા પોલીસ વડાને જાણ કરી હતી. ત્યાર બાદ ડીસા તાલુકા પોલીસને સાથે રાખી ગઈકાલે સાંજે અલગ અલગ ટીમો બનાવી રેડ કરી હતી. એન.કે.પ્રોટીન્સ કંપનીની ટીમ અને પોલીસે રિસાલા બજારમાં આવેલા જયશ્રી બહુચર ટ્રેડિંગ નામની દુકાનમાં તપાસ કરતા દુકાનની અંદર ભોંયરૂ બનાવેલું હતું. જેમાથી તિરુપતિ કપાસિયાના નકલી તેલના ડબ્બા મળી આવ્યા હતા. વધુ તપાસ કરતા ડબ્બા પર લગાડવામાં આવેલા સ્ટીકરો , ઢાંકણું ફિટ કરવાની ઈલેક્ટ્રિક ગન તેમજ ટાઈગર સરસો કા તેલ અને પૂનમ સરસો કા તેલના લેબલ પણ મળી આવ્યા હતા. જેથી પોલીસે આ તમામ જથ્થો જપ્ત કર્યો હતો. ત્યાર બાદ દિવ્ય લક્ષ્મી કરિયાણા સ્ટોર્સ અને ગાંધીચોક વિસ્તારમાં આવેલા શ્રી મારુતિ પ્રોવિઝન સ્ટોર્સ નામની દુકાનમાં પણ તપાસ કરતા ત્યાંથી પણ તિરુપતિ કંપનીના લેબલ વાળા નકલી તેલના ડબ્બા મળી આવ્યા હતા . જેથી પોલીસે ત્યાંથી પણ તેલના ડબ્બા, નકલી સ્ટીકર, ડબ્બાના ઢાંકણા સહિતનો મુદ્દામાલ જપ્ત કર્યો હતો. તેમજ ત્રણેય દુકાનના માલિક સામે કોપીરાઇટ એક્ટ મુજબ ફરિયાદ નોંધી આગળની કાર્યવાહી ડીસા શહેર દક્ષીણ પોલીસે હાથ ધરી છે.