ચોટીલા - મોરબી ના જીવદયા પ્રેમીઓને માહિતી મળી કે વાકાનેર થી ભરૂચ કતલખાના તરફ પશુઓ લઈ ને એક આઇસર નિકળેલ છે જે અંગે મોડી રાત્રે પેટ્રોલીંગમાં રહેલ ચોટીલા પોલીસને જાણ કરેલ હતી.ચોટીલા પોલીસના ઇશ્ચરભાઇ, દિલીપભાઈ સાથે જીવદયા પ્રેમી હરેશભાઇ ચૌહાણ, દલસુખભાઇ અજાડીયા, રઘુભાઇ મોરબીના દિનેશભાઇ લોરિયા, કમલેશભાઈ આહિર સહિતનાં ગૌરક્ષકોની ટીમ હાઇવે ઉપર વોચ રાખી બાતમી વાળી આઇસર ટ્રક નિકળતા અટકાવી તલાશી લેતા એક પાડો, એક નાનો પાડો, આઠ ભેસો બેરહેમી અને ક્રુરતા પૂર્વક ખીચોખીચ બાંધેલ તેમજ કોઇ ઘાસચારો કે પાણીની વ્યવસ્થા વગર અને કોઇ પણ પ્રકારની પાસ પરમીટ વગર મળી આવેલ પોલીસે ટ્રક લઈને જતા વાકાનેરનાં સરવાણી બાબુભાઇ દિલીપભાઈ પરમાર અને રાજુભાઇ ફુલાભાઇ ચૌહાણ મળી આવેલ હતા જેની પુછપરછમાં આ પશુઓ આઇસર ના માલિક અશરફ યાકુબભાઇ રે. વાકાનેર વાળાના કહેવાથી દિધડીયા ગામનાં ભીખાભાઇ એ ભરી આપેલ હોવાનું જણાવતા બંન્ને ડ્રાઇવર ક્લીનર ની અટક કરી તમામ વિરૂધ્ધ ધોરણસર ગુનો નોંધવાની તજવીજ હાથ ધરી છે.