લીંબડી-રાજકોટ હાઈ-વે પર ચોટીલાથી નડિયાદ જતાં પરિવારની કારનું ટાયર ફાટતાં અકસ્માત સર્જાયો હતો. કાર ખાડામાં ઊતરી જતાં 4 લોકોને ઈજા પહોંચી હતી. ચોટીલાથી નડિયાદ જઈ રહેલા પરિવારની કારનું ટાયર લીંબડી-રાજકોટ હાઈ-વે પર ફાટતાં અકસ્માત સર્જાયો હતો. ટાયર ફાટતાં કાર ચાલકે સ્ટિયરિંગ પરનો કાબૂ ગુમાવી દીધો હતો. કાર રોડ નીચે ખાડામાં ખાબકી હતી.કારમાં સવાર અમૃતભાઈ રામાભાઇ, ધીરજબેન કરશનભાઈ, ગંગાબેન સુંદરભાઈ અને અંબાભાઈ અમૃતભાઈને ઈજા પહોંચી હતી. ઘાયલોને સારવાર અર્થે લીબડી સિવિલ હૉસ્પિટલે ખસેડાયા હતા. જ્યાં પ્રાથમિક સારવાર આપી હતી વધુ સારવાર અર્થે સુરેન્દ્રનગર ખસેડવામાં આવ્યા હતા.