হাবি সাদৃশ জংঘলে আৱৰি ধৰিছে পাগলাদিয়া নৈৰ পূৱদিশৰ মঠাউৰি৷বৰ্তমান উক্ত মঠাউৰিৰে জংঘলৰ বাবে কোনো লোকে আহযাহ কৰাৰ পৰিবেশে নাই৷যানবাহনটো বেলেগ কথা খোজকাঢ়ি যাৱ লাগিলেও বুুকু কপি যাব সাধাৰণ মানুহৰ৷জলসম্পদ বিভাগৰ বিষয়া কৰ্মচাৰী সকলে কি কৰি থাকে তাকে চিন্তা কৰিব লগা কথা৷বাৰিষা নৈৰ পানী বৃদ্ধি হলে বিষয়া কৰ্মচাৰী সকলক লৰাধপৰাৰ কৰা দেখা যায়৷আকৌ পানী শুকালে অন্তৰ্ধান হয় বিষয়া কৰ্মচাৰী৷পাগলাদিয়া নৈৰ দামালঘাটৰ পৰা কমাৰকুছিলৈ এইবেলিৰ বাৰিষাই কেইবাঠাইতো খহনীয়াৰ সৃষ্টি কৰাৰ উপৰিও মঠাউৰিৰে পানী নিগৰি বৰভাগ অঞ্চললৈ বিভিষিকা নমাই আনিছিল৷অদৃশ্যৰ আশীৰ্বাদ আৰু ৰাইজ তথা জলসম্পদৰ কৰ্মচাৰীৰ তৎপৰাত এইবেলিৰ নৈখনৰ তাণ্ডৱৰ পৰা বৃহত্তৰ বৰভাগৰ ৰাইজ ৰক্ষা পৰিল৷কিন্তু দুৰ্ভাগ্যজনক কথা যে বৰ্তমানো মঠাউৰিটোৰ হাবি সাদৃশ জংঘল সমুহ চাফ কৰা নাই৷যাৰফলত পুনৰ নৈৰ জলপৃষ্ঠ বৃদ্ধি হলে উক্ত জংঘলৰ মাজত পানী নিগৰিলে দেখা পোৱা নাযাব৷যাৰ খলত বৰভগীয়া ৰাইজৰ বিপদত পৰিব পাৰে৷সেয়েহে উক্ত মঠাউৰি খিনি চাফ কৰি ৰখাটো অতি জৰুৰী৷