હાલોલ શહેરના અરાદ રોડ પરનો તળાવ પાસે આવેલો વિકાસ પથ હાલમાં ગોબર પથ બની ચૂક્યો છે જેમાં આ રોડની સાઈડોમાં બનાવવામાં આવેલ ગટર લાઈન સહિત મુખ્ય રોડ પર આસપાસમાં રહેતા અને પશુપાલન અને પશુપાલનના દૂધનો ધંધો કરતા કેટલાક લોકો દ્વારા પશુઓના છાણના પોદડા સહિતની ગંદકીના ઢગલાઓના વિશાળ ઢગ  મુખ્ય અવરજવરના રોડ પર કરી છાણના પોદડા સુકાવવા માટે અંહી ઢગલા કરવામાં આવી રહ્યા છે  જેમાં હાલમાં ચાલી રહેલી ચોમાસાની સિઝનમાં વારંવાર  વરસાદને પડવાને કારણે આ છાણના પોદડાઓ પલળીને મુખ્ય રોડ પર ફેલાઈ રહ્યા છે જેને લઈને અસહ્ય ન સહી શકાય તેવી પારાવાર ગંદકી તેમજ માથુ ફાટી જાય તેવી દુર્ગંધ ફેલાઈ રહી છે જેને લઈને આ રસ્તેથી અવર-જવર કરતા રાહદારીઓ અને વાહન ચાલકો ત્રાહિમામ પોકારી ચુક્યા છે જેમાં છાણના પોદળા વરસાદમાં પલળીને રોડની ઉપર ફેલાતા આ મુખ્ય રોડ ચીકણો થઈ જતા રોડ પરથી પસાર થતા દ્રી-ચક્રી વાહનોના ચાલકો આ રોડ પરથી આ છાણના ઢગલાઓમાં સ્લીપ થઈ પડી ઇજાગ્રસ્ત તેમજ ગંદા થતા હોવાના પણ કિસ્સા બની રહ્યા છે જેને લઈ લોકોમાં તંત્ર કોઈ મોટા અકસ્માતની રાહ જોઈ રહ્યું હોવાની ચર્ચા પણ ઉઠી છે  જ્યારે આ રોડની સામે અને આસપાસ ધંધો કરતા દુકાનદારો તેમજ આસપાસની સોસાયટીઓમાં રહેતા રહીશો પણ આ છાણના પોદડાઓથી ઉત્પન્ન થતી પારાવાર ગંદકી અને તેની દુર્ગંધથી  ત્રાહિમામ પોકારી ચૂક્યા છે જેમાં વારંવારની રજૂઆત કરવા હોવા છતાં સ્થાનિક વહીવટી તંત્રના પેટનું પાણી ન હાલતું હોવાનું આસપાસના લોકોએ જણાવ્યું છે 

 

 શું નગરપાલિકાના મુખ્ય અધિકારી હિરલબેન આ સમસ્યાથી લોકોને છુટકારો અપાવી દેશના માનનીય વડા પ્રધાન નરેન્દ્ર મોદીજીના સૂત્ર સ્વચ્છ ભારત સ્વસ્થ ભારત અને સ્વચ્છ ગુજરાત સ્વસ્થ ગુજરાતના નારાને સાર્થક કરશે કે નહીં અને સ્વચ્છતા અભિયાનની નેમ સાથે સમગ્ર નગરને સ્વચ્છ બનાવવા નીકળેલા મુખ્ય અધિકારી અને કર્મચારીઓ આ રોડની ગંદકી દુર કરી આ વિસ્તારને ક્યારે સ્વચ્છ બનાવશે તેવું નગરજનોમાં ચર્ચાઈ રહ્યું છે.