શ્રાવણ મહિનાની શરૂઆત પૂર્વે જ ડીસામાંથી જુગારીયાઓ પકડાવવાની શરૂઆત થઈ ગઈ છે. જેમાં ડીસા શહેર ઉત્તર પોલીસે ધુળીયાકોટ વિસ્તારમાંથી ખુલ્લામાં જુગાર રમતા સાત શખ્સોને ઝડપી વધુ કાર્યવાહી હાથ ધરી છે.

બકરી ઈદ નિમિત્તે ડીસા શહેરમાં પોલીસ સતત પેટ્રોલિંગમાં હતી અને ડીસા શહેર ઉત્તર પોલીસની એક ટીમ ધૂળિયાકોટ વિસ્તારમાં હતી. તે સમયે કેટલાક શખ્સો જાહેરમાં જુગાર રમતા હોવાની માહિતી મળી હતી. જેથી પોલીસની ટીમ સોનેશ્વર કોલ્ડ સ્ટોરેજ પાસે પહોંચતા ખુલ્લામાં કેટલાક શખ્સો કુંડાળું કરી જુગાર રમતા હતા. જેથી પોલીસે જાહેરમાં જુગાર રમતા સાત શખ્સોને ઝડપી પાડયા હતા.

પોલીસે જાહેરમાં જુગાર રમતા રમેશ નાગજીભાઈ ઠાકોર, સત્તરસિંગ ભલસિંગ દરબાર, સાગર બચુજી ઠાકોર, વિનોદ મગનભાઈ માજીરાણા, પીન્ટુ ઉર્ફે મરઘો નાગજીભાઈ ઠાકોર, મહેન્દ્ર મોહનલાલ સોલંકી, વીરા ગણેશભાઈ લુહાર સહિત 7 શખ્સોને જુગારના સાહિત્ય અને રોકડ સાથે અટકાયત કરી વધુ કાર્યવાહી હાથ ધરી છે.