অৱশেষত নলবাৰী জিলাৰ ঘগ্ৰাপাৰ আৰক্ষী থানাৰ বিতৰ্কিত OC বিমান ৰায়ক চাকৰিৰ পৰা বৰ্খাস্ত কৰে৷উল্লেখ্য যে যোৱা বিশ জুন নিশা থানাৰ লক’আপৰ ভিতৰতে এজনী কিশোৰীক উলংগ কৰি ভিডিঅ আৰু ফটো লৈছিল আৰক্ষী বিষয়া গৰাকীয়ে৷পৰবৰ্তী সময়ত কিশোৰী গৰাকীয়ে আৰক্ষী বিষয়া গৰাকীৰ বিৰুদ্ধে নলবাৰী সদৰ আৰক্ষী থানাত গোচৰ তৰিছিল৷কিশোৰী গৰাকীৰ অভিযোগৰ পিচতে আৰক্ষী বিষয়া জনৰ বিৰুদ্ধে গোচৰ পঞ্জীয়ন কৰি ঘটনাৰ তদন্তত আৰম্ভ কৰিছিল৷ইতিমধ্যে তদন্তৰ পিচতে আৰক্ষী বিষয়া গৰাকীক নিলম্বন কৰিছিল যদিও নিলম্বনৰ পিচতে তেওঁ আত্মগোপন কৰিছিল৷আনহাতে পলাতক বিমান ৰায়ৰ সন্ধান দিয়াজনক উপযুক্ত পুৰস্কাৰে সন্মানিত কৰিব বুলি ডি জি পিয়ে টুইটাৰ যোগে ঘোষনা কৰিছিল৷বৰ্তমানলৈ পলাতক আৰক্ষী বিষয়া জনৰ সন্ধান পোৱা নাই৷ইয়াৰ মাজতে ডি জি পিয়ে আৰক্ষী বিষয়াজনক চাকৰিৰ পৰা বৰ্খাস্ত কৰা বুলি জানিব পৰা গৈছে৷