ગુજરાતમાં દારૂ બંધી હોવા છતાં બુટલેગરો દ્રારા ગુજરાતમાં દારૂ લાવવા માટે અવનવી તરકીબો અજમાવતા હોય છે ત્યારે આજ રોજ પારડી પોલીસ મથકના પી.એસ.આઈ મયુર પટેલની ટિમ પારડી નેશનલ હાઇવે 48 પર પેટ્રોલિંગમાં હતી તે દરમિયાન બાતમી મળી હતી કે સંઘપ્રદેશ થી દમણ થી બે ઈસમો કાર નંબર GJ 15 CD 4062 માં ચોર ખાન બનાવી ગુજરાતમાં દારૂ લઈ આવી રહયા છે જેને લઈ પારડી નેશનલ હાઇવે 48 પર વિશ્રામ હોટલ નજીક પોલીસ દ્વારા વોચ રખાતા બાતમી વાળી કાર આવતા કારમાં તપાસ કરતા પેટ્રોલ ટેન્ક પાસે ચોર ખાનમાં છુપાવવામાં આવેલો ઈંગ્લીશ દારૂ નો જથ્થો જેની કિંમત 29,650 ઝડપી પાડ્યો હતો પોલીસે કાર સાથે ચાલક અને અન્ય એક ઇસમની ધરપકડ કરી કુલ રૂપિયા 6.18 લાખનો મુદામાલ જપ્ત કર્યો હતો પોલીસ દ્રારા બંને ઇસમની પૂછપરછ કરતા દારૂ સુરત લઈ જતા હોવાનું સામે આવ્યું હતું પોલીસે બંને આરોપી ની ધરપકડ કરી વધુ તપાસ હાથ ધરી છે