ડીસામાં રથયાત્રા દરમિયાન મોટી દુર્ઘટના સર્જાતા રહી ગઈ હતી. અચાનક રખડતો આખલો તોફાને ચડતા ભાગદોડ મચી ગઈ હતી. જેમાં આખલાની અડફેટે આવતા ભાજપના પીઢ અગ્રણી અને પૂર્વ નગર સેવકની પુત્રી અને ભાભી સહિત ચાર લોકોને ગંભીર ઈજા પહોંચી હતી.
ओम धगाल - पूर्व प्रदेश कार्यकारिणी सदस्य भाजपा युवा मोर्चा
ओम धगाल की और से हिंडोली विधानसभा क्षेत्र एवं बूंदी जिले वासियों को रौशनी के त्यौहार दीपावली की हार्दिक बधाई व शुभकामनाएं
ડીસા શહેરમાં જાહેરમાં ઘાસચારો નાખવા પર પ્રતિબંધ ફરમાવતુ જાહેરનામું બહાર પાડ્યું છે. તેમ છતાં પણ રખડતા પશુઓની સમસ્યા ઘટવાને બદલે વધી રહી છે. આજે નીકળેલી ભગવાન જગન્નાથજીની રથયાત્રામાં પણ લોકોએ રખડતા પશુઓના ત્રાસનો સામનો કરવો પડ્યો હતો. રથયાત્રા દરમિયાન અચાનક એક આખલો તોફાને ચડતા રથયાત્રામાં ભાગદોડ મચી ગઈ હતી અને રથયાત્રા જોવા આવેલા લોકો આખલાની અડફેટે આવતા ચાર લોકોને ગંભીર ઈજા પહોંચી હતી.
રથયાત્રા જ્યારે ગોલ્ડન પાર્ક પાસે પહોંચી ત્યારે અચાનક આખલો દોડતા ભાજપના પીઢ અગ્રણી અને પૂર્વ નગર સેવકની પુત્રી રિયા વાઘેલા અને ભાભી વર્ષાબેન વાઘેલા, દિલીપભાઈ સોનેજી અને રસિકભાઈ મોદી સહિત ચાર લોકોને ગંભીર ઈજા પહોંચી હતી. જોકે પોલીસ અને 108 એમ્બ્યુલન્સ વાનની ટીમે તાત્કાલિક રાહત કામગીરી શરૂ કરી ઇજાગ્રસ્તોને સારવાર અર્થે ડીસાની સરકારી હોસ્પિટલમાં ખસેડ્યા હતા.
