સુરેન્દ્રનગર , જિલ્લાના લખતર તાલુકાનાં જયોતિપરા ગામની સીમમાં પોલીસે દરોડો પાડીને દેશીદારૂના આથા સાથે એક શખ્સને ઝડપી લઈ બે શખ્સો સામે ગુનો નોંધ્યો હતો.જયોતિપરા ગામની ગુંદાવાળી સીમમાં છાબલી ગામનો વિનુ મનજીભાઈ કોળી અને ભાસ્કરપરાનો હરેશ આતમારામ કોળી બાવળની ઝાડીમાં દેશીદારૂ બનાવવાનો આથો રાખી દેશીદારૂ ઉતારતો હોવાની બાતમી મળતા પોલીસે દરોડો પાડયો હતો. જેમાં ભાસ્કરપરાનો હરેશ આત્મારામભાઈ લોરીયા દેશીદારૂ બનાવવાના રૂ.4,000ની કિંમતના 2,000 લીટર આથા સાથે ઝડપાયો હતો. જ્યારે વિનુ મનજીભાઈ કોળી હાજર મળી આવ્યો નહતો. પોલીસે બન્ને શખ્સો સામે ગુનો નોંધી વધુ તપાસ હાથ ધરી હતી.