કલોઝ પ્રજાપતિ યુવા શક્તિ સંગઠન ડીસા દ્વારા આયોજિત રાહત દરે ચોપડા વિતરણની કામગીરી પૂર્ણ કરવામાં આવી છે.આ સંગઠન ની શિક્ષણ સમિતિ દ્વારા 40,000 ચોપડાઓનું રાહત દરે વિતરણ કરવામાં આવ્યું છે.આ વિતરણ પ્રગતિ ટ્રેડિંગ એ.પી.એમ.સી શાકમાર્કેટ ડીસા અને અંબિકા એગ્રીટેક જુનાડીસા ખાતે કરવામાં આવ્યું હતું.જેમાં ક્લોઝ યુવા શક્તિ સંગઠનના તમામ પારિવારિક સભ્યોએ ખૂબ જહેમત થકી આ કાર્યને પાર પાડ્યું હતું.ચોપડા બનાવવાની પ્રવૃત્તિમાં જે લોકોએ આર્થિક સહયોગ આપ્યો હતો તેમને ચોપડાઓ અર્પણ કરી સન્માન કર્યું હતું ખરેખર સંગઠન થકી જરૂરિયાતવાળા અને ગરીબ બાળકોને વિદ્યા અભ્યાસ માટે પૂરતા પ્રમાણમાં ચોપડાઓનો સ્ટોક પૂરતો મળી રહે તેવી વ્યવસ્થા કરવામાં આવી હતી. એકંદરે આ રાહત દરે ચોપડા વિતરણ નો કાર્યક્રમ ખૂબ સફળ રહ્યો હતો..