कासारी येथील पहाटे जिमला गेलेला तरूण बेपत्ता
तळेगाव ढमढेरे, प्रतिनिधी:
कासारी (ता. शिरुर) येथील माळवाडी येथून पहाटेच्या सुमारास शिक्रापूरमध्ये जिम साठी जातो असे सांगून घरातून गेलेला तरूण बेपत्ता झाला असल्याची घटना घडली असल्याने याबाबत बेपत्ता तरूणाच्या भावाने शिक्रापूर पोलीस स्टेशन येथे फिर्याद दिली आहे.
कासारी (ता. शिरुर) येथील माळवाडी येथे राहणारा अजिंक्य सूर्यवंशी हा तरूण २९ मे रोजी पहाटेच्या सुमारास शिक्रापूर येथे जिमला जाऊन येतो असे सांगून घरुन गेला, त्यांनतर अजिंक्य हा दुपार पर्यंत घरीच आला नाही तसेच त्याच्याशी संपर्क झाला नाही त्यामुळे त्याचा भाऊ व इतरांनी अजिंक्यचा आजूबाजूला तसेच नातेवाईकांकडे शोध घेतला. मात्र अजिंक्य मिळून आला नसल्याने अजिंक्यचा भाऊ हेमंत सुनील सूर्यवंशी (वय २४ वर्षे रा. माळवाडी कासारी ता. शिरुर जि. पुणे) यांनी शिक्रापूर पोलीस स्टेशन येथे फिर्याद दिली असून बेपत्ता अजिंक्यचे वर्णन हे वय २१ वर्षे, उंची सहा फुट तीन इंच, रंग सावळा, उभट चेहरा, बारीक मिशी, सरळ नाक, अंगात काळ्या रंगाचा टीशर्ट व निळी जीन्स पॅन्ट असे वर्णन असून सदर युवकाबाबत कोणासही काही माहित असल्यास शिक्रापूर पोलिसांशी ९८२२१७३४११ या क्रमांकावर संपर्क करण्याचे आवाहन शिक्रापूर पोलिसांनी केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार अमोल चव्हाण हे करत आहे.
