তামুলপুৰ জিলাৰ ভাৰত-ভূটান সীমান্তৰ শান্তিপূৰ আঙাৰকাটাত বনৰীয়া হাতীৰ আক্রমণত এগৰাকী মহিলাৰ মৃত্যু হোৱাৰ খবৰ আহিছে।
আজি ৰাতিপুৱা সংঘটিত এই ঘটনাটোত মৃত্যু হোৱা মহিলা গৰাকীক অলকা বিশ্বাস (৪০ ) বুলি চিনাক্ত কৰিছে৷
ঘটনাৰ বিৱৰণী অনুসৰি, পুৱা পথাৰলৈ গৰু এৰাল দিব যোৱা এগৰাকী মহিলাক বনৰীয়া হাতীটোৱে আক্ৰমণ কৰিবলৈ খেদি অহাত মহিলা গৰাকীয়ে দৌৰি প্ৰাণ ৰক্ষা কৰে যদিও পুৱা শোৱাপাতিৰ পৰা উঠি পদূলিলৈ ওলাই অহা অলকা বিশ্বাসক হাতীটোৱে আক্ৰমণ কৰি মূৰত গচকি দিয়াত ঠাইতে নিহত হয়।
উল্লেখ্য যে বিগত কিছুদিন ধৰি ভূটানৰ পাহাৰৰ পৰা খাদ্যৰ সন্ধানত লোকালয়লৈ নামি অহা হাতীৰ জাক এটাই উপদ্ৰৱ চলাই আছে ভূটান সীমান্তৰ অঞ্চলটোত।
