কিছুমান মানৱ দৰদী মানুহৰ বাবে সমাজখন বৰ্তি আছে৷সচাকৈয়ে মানুহে মানুহৰ বাবে বাক্যশাৰী সত্য৷তাকে প্ৰমান কৰি আহিছে হাজো অঞ্চলৰ সু-সন্তান,সমাজৰত্ন তথা এমট্ৰনৰ উপ প্ৰৱন্ধক দীনমণি ভাণ্ডাৰ কায়স্থই৷ভাণ্ডাৰ কায়স্থই বিগত কৰ’না কালিন সময়,প্ৰৱল বানপানী আদিৰ উপৰিও বিভিন্ন সময়ত আৰ্তজনক সহায় কৰি আহিছে৷ইয়াৰোপৰি কামৰূপ,নলবাৰী,দৰং আদি বিভিন্ন জিলাৰ বহুতো সামাজিক আৰু ধৰ্মীয় অনুষ্ঠানত সহায় কৰি নিজক সৎ সমাজকৰ্মী হিচাবে প্ৰতিষ্ঠা লভিবলৈ সক্ষম হৈছে৷আজি ভাণ্ডাৰ কায়স্থই হাজো সমষ্টিৰ পশ্চিম বড়িগোগ মৌজাৰ দিপলাং গাৱঁৰ অতি দৰিদ্ৰ পৰিয়ালৰ মেধাবী ছাত্ৰী বৰষা কলিতাৰ কাষত থিয় হৈ গামোছাৰে আদৰণি জনোবাৰ লগতে বিভিন্ন সামগ্ৰীৰে সহায়ৰ হাত আগবঢ়াই৷উল্লেখ্য যে অতিপাত দৰিদ্ৰ আৰু পৰিয়ালত পঢ়াৰ পৰিবেশ নথকা বৰষাই এইবেলি হাইস্কুল শিক্ষান্ত পৰীক্ষাত ইংৰাজী বিষয়ত লেটাৰ মাৰ্ক লৈ প্ৰথম বিভাগত  উত্তীৰ্ণ হৈছে৷তেওঁক সহায় কৰি সমাজকৰ্মী গৰাকীয়ে যথেষ্ট আনন্দ লাভ কৰা বুলি সদৰি কৰে৷