દેડયાપાડા તાલુકાના કુકળદા ગામના 36 વર્ષીય યુવકે ઝેરી દવા પીધી : સારવાર દરમિયાન થયું મોત

મળતી માહિતી અનુસાર ડેડીયાપાડા તાલુકાના કુકરડા ગામે ગેટ ફળિયામાં રહેતા આ કામના કિરણભાઈ બહાદુરભાઇ વસાવા ઉમર વર્ષ 36 નાઓને વાડવા ગામે લગ્ન પ્રસંગમાં જવાનું હોય અને લગ્ન પ્રસંગમાં ચાંદલો કરવા બાબતે ઘરના સભ્યોએ પૈસા આપેલ ન હોય અને કિરણભાઈ બહાદુરભાઈ વસાવા પાસે પણ ચાંદલો કરવા માટે પૈસા ન હોય તેથી ચાંદલો નહીં કરું તો સમાજમાં કોઈ ઈજ્જત રહેશે નહીં તેવું વિચારી આ કામના મરણ જનાર કિરણભાઈ બહાદુરભાઇ વસાવા એ મનમાં લાગી આવતા પોતાના ઘરે પોતાની જાતે ઝેરી દવા પી ગયા હોવાની ઘટના બની હતી. જેથી તેમના પરિજનો તેઓને સારવાર અર્થે હોસ્પિટલ ખાતે લઇ આવ્યા હતા. જ્યા સારવાર દરમિયાન તેઓનું મરણ થયું હોવાનું જાણવા મળેલ છે. સદર ઘટનાની જાણ ડેડીયાપાડા પોલીસને થતા ડેડીયાપાડા પોલીસે કાયદેસર ગુનો નોંધી આગળની કાર્યવાહી હાથ ધરવામાં આવી છે.....