ছয় জনগোষ্ঠীৰ জনজাতিকৰণৰ দাবীত আৰু অত্যাৱশ্যকীয় সামগ্ৰীৰ মূল্যবৃদ্ধিৰ বিৰুদ্ধে আজি মৰাণত টাই আহোম ছাত্ৰ সন্থা (আটাছু) মৰাণ মহকুমা সমিতিয়ে এক বাইক ৰেলীয়ে প্ৰতিবাদ সাব্যস্ত কৰে । আটাছু মৰাণ আঞ্চলিক সমিতিৰ কাৰ্যালয়ৰ পৰা উলিওৱা এই বাইক ৰেলীত আটাছু কৰ্মীসকলে চৰকাৰৰ বিৰুদ্ধে বিভিন্ন শ্ল'গান দি উত্তাল কৰি তোলে । আটাছু কেন্দ্ৰীয় সমিতিৰ কাৰ্যকৰী সভাপতি দেৱজিত গগৈয়ে এই ৰেলীত অংশগ্ৰহণ কৰি জনজাতিকৰণৰ ক্ষেত্ৰত চৰকাৰে ৰাজনীতি কৰিব বিচাৰিছে বুলি মন্তব্য কৰে । ইফালে শীঘ্ৰে ছয় জনগোষ্ঠীক জনজাতিকৰণ নকৰিলে ২০২৪ ৰ লোকসভা নিৰ্বাচনত তীব্ৰ প্ৰতিবাদ সংগঠনটোৱে গঢ়ি তুলিব বুলি নেতাজনে হুংকাৰ দিয়ে ।